'మున్సిపల్ కార్పొరేషన్ కార్మికుల సమస్యలు పరిష్కరించాలి'

మున్సిపల్ కార్పొరేషన్ కార్మికుల సమస్యలు పరిష్కరించాలని డిమాండ్​ చేస్తూ ఏఐటీయూసీ ఆధ్వర్యంలో ధర్నా చేపట్టారు. ఈ మేరకు అడిషనల్​ కమిషనర్​కు వినతిపత్రం అందజేశారు.

నిజామాబాద్ మున్సిపల్ కార్పొరేషన్ కార్యాలయం ఎదుట ఏఐటీయూసీ ఆధ్వర్యంలో ధర్నా నిర్వహించారు. కార్పొరేషన్​లో పనిచేస్తున్న పర్మినెంట్, కాంట్రాక్ట్ కార్మికుల సమస్యలు పరిష్కరించాలని డిమాండ్​ చేశారు. ఈ మేరకు అడిషనల్ కమిషనర్​కు వినతిపత్రం అందజేశారు.

కార్మికులు ఎదుర్కొంటున్న సమస్యలను తక్షణమే పరిష్కరించాలని మున్సిపల్ కార్పొరేషన్ పబ్లిక్ హెల్త్ వర్కర్స్ అండ్ ఎంప్లాయీస్ యూనియన్ అధ్యక్షులు ఓమయ్య డిమాండ్​ చేశారు. పర్మినెంట్ కార్మికులకు ఇచ్చే బేసిక్​ను కాంట్రాక్ట్ కార్మికులకూ ఇవ్వాలన్నారు. కార్యక్రమంలో యూనియన్ ప్రధాన కార్యదర్శి పి.నర్సింగ్​రావు, యూనియన్ కార్యనిర్వాహక అధ్యక్షులు పి.సుధాకర్, నాయకులు చిన్నుభాయ్, సావిత్రి, నర్సమ్మ, మల్లేశ్​, రాజశేఖర్, భిక్షపతి తదితరులు పాల్గొన్నారు.

వినతి పత్రం అందజేత