వన్యప్రాణుల దాహం తీర్చేందుకు అటవీ ప్రాంతంలో నీటి వసతిని సమకూర్చామని అటవీ, న్యాయ శాఖ మంత్రి అల్లోల ఇంద్రకరణ్ రెడ్డి తెలిపారు. తాగునీటి కోసం వన్యప్రాణులు జనారణ్యంలోకి రాకుండా అటవీ శాఖ ప‌టిష్ఠమైన చర్యలు చేపట్టిందన్నారు. ఇటీవల కాలంలో జనావాసాల్లోకి తరచూ చిరుత పులులు, ఇత‌ర జంతువులు వస్తోన్న తరుణంలో అటవీ శాఖ మంత్రి స్పందించారు. ఎండ‌కాలంలో వన్యప్రాణులు తమ ఆవాసాల‌ను వ‌దిలి నీటిని, ఆహారాన్ని వెతుక్కుంటూ జనావాసాల్లోకి వస్తుంటాయని పేర్కొన్నారు. లాక్డౌన్ వల్ల మానవ సంచారం, వాహనాల శబ్దాలు కూడా లేకపోవడం వల్ల పక్షులు, వన్యప్రాణులు స్వేచ్ఛగా విహరిస్తున్నాయని వివరించారు.
కదిలికల కోసం నిఘా నేత్రం..