నిర్మల్ జిల్లా భైంసా అల్లర్లకు సంబంధించి పుకార్లను ప్రచారం చేస్తున్న వాళ్లపై చట్టపరంగా కఠిన చర్యలు తీసుకుంటామని ఐజీ నాగిరెడ్డి తెలిపారు. భైంసాలో శాంతిభద్రతల స్థాపనే ధ్యేయంగా పోలీసులు నిబద్ధతతో పనిచేస్తున్నారని.. గొడవలు, అల్లర్లకు పాల్పడితే సహించేంది లేదని ఐజీ స్పష్టం చేశారు. శాంతి భద్రతలకు విఘాతం కలిగిస్తే ఎవరినైనా వదిలిపెట్టేది లేదని హెచ్చరించారు.
ప్రస్తుతం భైంసాలో పరిస్థితి ప్రశాంతంగా ఉందని.. పోలీసులు పటిష్ఠ బందోబస్తు ఏర్పాటు చేశారని ఐజీ పేర్కొన్నారు. అల్లర్లు జరిగిన రెండు గంటల్లోనే అదుపులోకి తెచ్చినట్లు వివరించారు. 500 మందితో భైంసాలో బందోబస్తు ఏర్పాటు చేశామని... 144వ సెక్షన్ అమలు చేస్తున్నట్లు ఐజీ వెల్లడించారు.