నిర్మల్ చేరుకున్న శ్రీ రామరక్ష మహాపాదయాత్ర

శివ, అయ్యప్ప మాలలు ధరించిన భక్తులు చేపట్టిన శ్రీ రామరక్ష మహాపాదయాత్ర నిర్మల్​కు చేరుకుంది. కాశీ నుంచి తీసుకెళ్తున్న జలాలతో రామేశ్వరంలో శివునికి అభిషేకం జరిపిస్తామని తెలిపారు. ప్రజలంతా సుఖసంతోషాలతో ఉండాలని యాత్ర చేపట్టినట్లు వెల్లడించారు.

శివ, అయ్యప్ప మాలలు ధరించిన కొందరు భక్తులు చేపట్టిన శ్రీరామరక్ష మహా పాదయాత్ర శనివారం నిర్మల్ జిల్లా కేంద్రానికి చేరుకుంది. నిజామాబాద్ జిల్లా బాన్సువాడకు చెందిన వినయ్ గురుస్వామి నేతృత్వంలో పది మంది భక్తులు సెప్టెంబర్ 16న కాశీ నుంచి రామేశ్వరం వరకు పాదయాత్ర ప్రారంభించారు. 34 రోజుల అనంతరం అది నిర్మల్ పట్టణానికి చేరుకుంది. స్థానిక అయ్యప్ప సేవా సమితి సభ్యులు వీరికి ఘన స్వాగతం పలికారు. నందిగుండం దుర్గా మాతా ఆలయంలో స్వాములకు భోజన సదుపాయం కల్పించారు. కాశీ నుంచి గంగా జలాలను తీసుకుని పాదయాత్రగా రామేశ్వరం వరకు తీసుకెళ్తున్నామని వినయ్​ గురుస్వామి తెలిపారు. కాశీ నుంచి తీసుకెళ్తున్న గంగా జలాలతో రామేశ్వరంలో అభిషేకం జరిపిస్తామని అక్కడి నుంచి ఇసుకను తీసుకొని మళ్ళీ కాశీ చేరుకుంటామన్నారు. ప్రజలంతా సుఖ సంతోషాలతో విలసిల్లాలని శివుడిని ప్రార్థిస్తూ ఈ యాత్ర చేపట్టినట్లు వివరించారు.

ఇవీ చూడండి: యాదాద్రికి పోటెత్తిన భక్తజనం... కనిపించని బంద్​ ప్రభావం