విశ్వసనీయ విద్యాసంస్థగా బాసర ఆర్టీయూకేటీ

నిర్మల్​ జిల్లాలోని బాసర ఆర్టీయూకేటీ విశ్వసనీయ విద్యాసంస్థగా గుర్తింపు పొందింది. ఇవాళ దిల్లీలో జరిగిన కార్యక్రమంలో ఐబీసీ సంస్థ ఛైర్మన్​ కౌశిక్​ చేతులమీదుగా బాసర విద్యాలయం ఉపకులపతి డా.అశోక్​ అవార్డును అందుకున్నారు.

నిర్మల్ జిల్లా బాసర ఆర్టీయూకేటికి అరుదైన గుర్తింపు లభించింది. భారత అత్యుత్తమ విశ్వసనీయ విద్యాసంస్థగా నిలిచింది. ముంబయికి చెందిన ఐబీసీ ఇన్ఫో మీడియా సంస్థ ఈ అవార్డును ప్రకటించింది. ఈ మేరకు ఆదివారం దిల్లీలో జరిగిన ఓ కార్యక్రమంలో ఐబీసీ ఛైర్మన్​ కౌశిక్​ నుంచి బాసర విద్యాలయం ఉపకులపతి డా.అశోక్​ అవార్డు అందుకున్నారు. అవార్టు రావడంపై ఉపకులపతి హర్షం వ్యక్తం చేశారు. విద్యార్థులు, అధ్యాపకుల కృషితో మరిన్ని విజయాలు సాధిస్తామని తెలిపారు.

ఇవీ చూడండి: 'ప్రేమించా.. మోసపోయా.. పుస్తకం రాశా'