'లాక్​డౌన్​ కారణంగా ఇళ్లలోనే రంజాన్​ వేడుకలు'

నిర్మల్​లోని కలెక్టరేట్​లో రంజాన్ ఏర్పాట్లపై పోలీస్, రెవెన్యూ, మున్సిపల్ కమిషనర్లు, ముస్లిం మత పెద్దలతో కలెక్టర్​ ముషారఫ్​ ఫారూఖీ సమావేశం నిర్వహించారు. లాక్​డౌన్​ నిబంధనల మేరకు రంజాన్ కార్యక్రమాలను ముస్లిం సోదరులు ఇళ్లలోనే నిర్వహించుకోవాలని కలెక్టర్​ సూచించారు.

త్వరలో రంజాన్ ఉపవాసాలు ప్రారంభం కానున్న దృష్ట్యా... ముస్లింలు సహార్, ఇఫ్తార్, నమాజ్​ ఇంట్లోనే చేసుకోవాలని నిర్మల్ జిల్లా కలెక్టర్ ముషారఫ్ ఫారూఖీ సూచించారు. కలెక్టర్ సమావేశ మందిరంలో రంజాన్ ఏర్పాట్లపై పోలీస్, రెవెన్యూ, మున్సిపల్ కమిషనర్లు, ముస్లిం మత పెద్దలతో సమావేశం నిర్వహించారు.

కరోనా వైరస్​ను కట్టడి చేసేందుకు ప్రభుత్వ నిబంధనలను ప్రతి ఒక్కరు పాటించాలని కలెక్టర్​ ఆదేశించారు. ప్రజలకు ఇబ్బందులు కలగకుండా నిత్యవసర సరుకులు, కూరగాయలు, పాలు, మందులు వారి ఇంటి వద్దనే అందిస్తున్నామన్నారు. 12 రోజులుగా జిల్లాలో ఒక పాజిటివ్ కేసు కూడా నమోదు కాలేదని తెలిపారు. ఇదే తరహాలో ప్రజలు సహకరించి కరోనాను తరిమికొట్టాలని సూచించారు.

'లాక్​డౌన్​ కారణంగా ఇళ్లలోనే రంజాన్​ వేడుకలు'

ఇదీ చూడండి:-కరోనా చికిత్సకు ఆ మందు వాడితే ప్రాణాలు హరీ!