భైంసా ఘటనలపై అమిత్​షాకు ఫిర్యాదు చేశాం : అర్వింద్

నిర్మల్ జిల్లా భైంసాలో ఓ పథకం ప్రకారం దాడులు జరుగుతున్నాయని నిజామాబాద్ ఎంపీ ధర్మపురి అర్వింద్ ఆరోపించారు. ఇది బంగారు తెలంగాణనా లేక మజ్లిస్ రాజ్యమా అని ప్రశ్నించారు.

నిర్మల్ జిల్లా భైంసా ఘటనలపై కేంద్ర హోంమంత్రి అమిత్​షాకు ఫిర్యాదు చేశామని భాజపా ఎంపీ ధర్మపురి అర్వింద్ తెలిపారు. భైంసాలో దాడులు ఓ పథకం ప్రకారం జరుగుతున్నాయని ఆరోపించారు. మత్తులో నుంచి బయటకు వస్తే ఎన్నిసార్లు ఈ ఘటనలు జరిగాయో తెలుస్తాయని ఎద్దేవా చేశారు.

ఓట్ల కోసం తండ్రి, కుమారుడు ప్రజల ప్రాణాలు పణంగా పెడుతున్నారని అర్వింద్ ఆగ్రహం వ్యక్తం చేశారు. ఇది బంగారు తెలంగాణానా లేక మజ్లిస్ రాజ్యమా అని ప్రశ్నించారు.

• ఇదీ చూడండి :భైంసా అల్లర్లపై పుకార్లు ప్రచారం చేస్తే కఠిన చర్యలు: ఐజీ