ధాన్యం కొనుగోళ్లను పకడ్బందీగా చేపట్టాలి: కలెక్టర్​ ఫారూఖీ

నిర్మల్​ జిల్లా కేంద్రంలోని కలెక్టర్​ కార్యాలయంలో ధాన్యం కొనుగోళ్లపై సంబంధిత శాఖల అధికారులతో కలెక్టర్​ ముషర్రఫ్​ ఫారూఖీ సమావేశమయ్యారు. జిల్లావ్యాప్తంగా వరి ధాన్యం కొనుగోళ్లు పకడ్బందీగా జరగాలని ఫారూఖీ ఆదేశించారు.

నిర్మల్​ జిల్లాలో 2020-21 వానాకాలానికి సంబంధించిన వరిధాన్యం కొనుగోళ్లకు పకడ్బందీగా చర్యలు చేపట్టాలని అధికారులను కలెక్టర్​ ముషర్రఫ్​ ఫారూఖీ ఆదేశించారు. కలెక్టరేట్​లో ధాన్యం కొనుగోళ్లపై సంబంధిత శాఖ అధికారులతో నిర్వహించిన సమావేశంలో ఆయన పాల్గొన్నారు. అనంతరం పౌరసరఫరాల శాఖకు సంబంధించిన పోస్టర్లను కలెక్టర్​ ఆవిష్కరించారు.

పోస్టర్లను విడుదల చేస్తున్న కలెక్టర్​ ఫారూఖీ

వ్యవసాయ శాఖ అంచనా ప్రకారం నిర్మల్​లో 1.52 లక్షల మెట్రిక్​ టన్నుల ధాన్యం దిగుబడి వచ్చే అవకాశముందని కలెక్టర్​ తెలిపారు. జిల్లాలో మొత్తం 178 కొనుగోలు కేంద్రాల ఏర్పాటుకు చర్యలు తీసుకోవాలని ఆయన సూచించారు. గతేడాది జరిగిన పొరపాట్లు పునరావృతం కాకుండా, రైతులకు ఎలాంటి ఇబ్బందులు తలెత్తకుండా అధికారులు సమన్వయంతో చర్యలు చేపట్టాలని అధికారులను ఆదేశించారు.

ఇదీ చదవండి:'కరోనా నియంత్రణలో వచ్చే మూడు నెలలు అత్యంత కీలకం'