పన్నులు చెల్లించేందుకు పుర ఆశావహుల పరుగులు

మున్సిపల్​ ఎన్నికల రిజర్వేషన్లు ప్రకటించిన తర్వాత పట్టణాల్లో భారీగా ఇంటి పన్నులు వసూల్​ అవుతున్నాయి. నిర్మల్​ జిల్లా కేంద్రంలోని పురపాలక సంఘ కార్యాలయంలో పన్నుల చెల్లింపునకు భారీ సంఖ్యలో ఆశావహులు తరలివచ్చారు.

నిర్మల్​ జిల్లా కేంద్రంలోని పురపాకల కార్యాలయం పన్ను చెల్లింపుదారులతో కిటకిటలాడుతోంది. మున్సిపల్​ ఎన్నికల్లో పోటీ చేసే అభ్యర్థులు నామినేషన్​ దాఖలు చేసే సమయంలో తమకు ఎలాంటి అప్పులేదని అభ్యంతర పత్రం సమర్పించాల్సి ఉంటుంది.

పెండింగ్​లో ఉన్న నల్లా, ఆస్తి పన్నులు చెల్లించేందుకు అనేక మంది అశావహులు పురపాలక కార్యాలయానికి పరుగులు పెడుతున్నారు. అభ్యంతరాలేమి లేకపోతే నామపత్రం తిరస్కరణకు గురవ్వదని ఆశావహులంతా ఉన్నపళంగా బకాయిలు చెల్లిస్తున్నారు.

• ఇవీచూడండి:కార్పొరేషన్లు, పురపాలక సంస్థలలో ఎన్నికల వేడి