'కోతుల బెడదను అరికట్టేందుకే మంకీ ఫుడ్ కోర్టులు'

కోతుల బెడదను నివారించేందుకు ప్రభుత్వం మంకీ ఫుడ్ కోర్టులు ఏర్పాటు చేస్తుందని నిర్మల్​ జిల్లా మామడ మండలం డీఆర్డీవో వెంకటేశ్వర్లు తెలిపారు. గ్రామాల్లో ఏర్పాటు చేసిన పల్లె ప్రకృతి వనాలను ఆయన పరిశీలించారు.

నిర్మల్​ జిల్లా మామడ మండలం కొరిటికల్ గ్రామంలో ఏర్పాటు చేసిన మంకీ ఫుడ్ కోర్టులు, పల్లె ప్రకృతి వనాలను శనివారం డీఆర్డీవో వెంకటేశ్వర్లు పరిశీలించారు. గ్రామాల్లో వానరాల బెడదను తప్పించేందుకే ప్రభుత్వం ఈ మంకీ ఫుడ్​కోర్టులు ఏర్పాటు చేస్తుందని ఆయన తెలిపారు. కోతులు ఇష్టంగా తినే పండ్లచెట్లను వాటిలో పెంచనున్నట్టు తెలిపారు.

పల్లె ప్రకృతి వనాలతో గ్రామాలు పచ్చదనంతో నిండిపోతాయని అన్నారు. ఈ కార్యక్రమంలో సర్పంచ్ బాపురెడ్డి, ఎంపీడీఓ రమేష్, ఏపీఓ శివాజీ, కార్యదర్శి సురేష్, టీఏ కరీం, అశోక్ పాల్గొన్నారు.