ఆర్టీసీ బస్సు ఢీకొని వ్యక్తి మృతి

ద్విచక్రవాహనాన్ని ఆర్టీసీ బస్సు ఢీకొట్టడం వల్ల ఒక వ్యక్తి మృతి చెందిన ఘటన నిర్మల్​ జిల్లా ముథోల్​ సమీపంలో చోటుచేసుకుంది.

నిర్మల్ జిల్లా ముథోల్ సమీపంలో గత రాత్రి రోడ్డు ప్రమాదం చోటుచేసుకుంది. ఎదురుగా వస్తున్న ద్విచక్రవాహనాన్ని ఆర్టీసీ బస్సు ఢీకొట్టింది. ప్రమాదంలో అమృత్​ పటేల్​(45) అనే వ్యక్తి అక్కడికక్కడే మృతి చెందాడు. గమనించిన స్థానికులు పోలీసులకు సమాచారం అందించారు. ఘటనా స్థలికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు.

లాబ్ధి గ్రామానికి చెందిన అమృత్​పటేల్​ ముథోల్​లో వారసంతకు వెళ్లి, తిరిగి వస్తుండగా బాసర నుంచి భైంసాకు వెళ్తున్న బస్సు ఢీకొట్టడంతో ఈ ప్రమాదం చోటుచేసుకుంది.

ఇదీ చూడండి : థానేదర్‌ సింగ్​ కుష్వా... ఓ తెలివైన దొంగ..!