ఆ ఊళ్లో అంతా హెల్మెట్​ ధరిస్తారు... ఎందుకంటే?

పోలీసుల నిర్బంధ తనిఖీలు నిర్మల్​ జిల్లా డ్యాంగాపూర్​లో సత్ఫలితాలనిచ్చాయి. గ్రామంలోని వాహనదారులంతా ఏకమై శిరస్త్రాణాలు ఖరీదు చేశారు. వారిని చూసి మిగతా వారు కూడా హెల్మెట్​ ధరించి వాహనం నడపాలనే ఉద్దేశంతో శిరస్త్రాణం ధరించి ద్విచక్రవాహన ర్యాలీ నిర్వహించారు.

నిర్మల్ జిల్లాలో పోలీసులు చేపడుతున్న నిర్బంధ తనిఖీలు సత్ఫలితాలనిస్తున్నాయని జిల్లా ఎస్పీ శశిధర్ రాజు అన్నారు. మూడు రోజుల క్రితం డ్యాంగాపూర్​లో చేపట్టిన తనిఖీల్లో భాగంగా.. ద్విచక్ర వాహనాలు శిరస్త్రాణం ధరించాలని సూచించారు. హెల్మెట్ లేకుంటే జరిగే అనర్థాలపై అవగాహన కల్పించారు. ఈ అవగాహన డ్యాంగాపూర్​ గ్రామస్థుల్లో మార్పు తీసుకువచ్చింది. గ్రామ కమిటీ ఆధ్వర్యంలో ద్విచక్ర వాహనదారులంతా ఏకమై శిరస్త్రాణాలు ఖరీదు చేశారు. వారిలో వచ్చిన మార్పును ప్రతి ఒక్కరు చూడాలని, తమలాగే అందరూ హెల్మెట్​ ధరించాలనే ఉద్దేశంతో శిరస్త్రాణం ధరించి ద్విచక్రవాహన ర్యాలీ నిర్వహించారు. వీరిని జిల్లా ఎస్పీ శశిధర్ రాజు అభినందించి ప్రతి ఒక్కరు డ్యాంగాపూర్ గ్రామస్థులను ఆదర్శంగా తీసుకోవాలని సూచించారు.

• ఇదీ చూడండి : పోలీసుల నిరసన హింసాత్మకం... ఇద్దరు మృతి