గండిరామన ఆలయంలో గురుపౌర్ణమి ఉత్సవాలు

నిర్మల్‌ జిల్లా కేంద్రం శివారులో సహ్యాద్రి పర్వతశ్రేణుల దిగువన, పచ్చదనం పరుచుకున్న గుట్టల నడుమ భక్తుల కొంగుబంగారంగా అలరాలుతోంది గండిరామన దత్తసాయిబాబా ఆలయం. ఈ దేవాలయం గురుపౌర్ణమి ఉత్సవాలకు ముస్తాబవుతోంది.

గురుపౌర్ణమిని పురస్కరించుకుని నిర్మల్​ జిల్లాకేంద్రంలోని గండిరామన దత్తసాయిబాబా ఆలయంలో వేడుకలు ఘనంగా సాగుతున్నాయి. మూడ్రోజుల పాటు జరిగే ఈ ఉత్సవాల్లో ఈరోజు సాయిబాబాకు మంగళ స్నానం, అర్చన చేసి, ప్రత్యేక పూజలు నిర్వహించనున్నారు. సాయంత్రం ఆలయ మాడ వీధుల్లో బాబా ఊరేగింపు జరగనుంది. రేపు గురుపౌర్ణమిని పురస్కరించుకుని అన్నదానం నిర్వహించనున్నారు. పట్టణానికి చెందిన కామోల్​, చించాల, ఎడ్​బిడ్​, వెంకటాపూర్​, భజన మండళ్లు ఉత్సవాల్లో పాల్గొననున్నాయి. ఈ వేడుకల్లో భక్తులు పెద్దసంఖ్యలో పాల్గొననున్నారు.

• ఇదీ చూడండి : ఐసీసీ నిబంధనలపై గౌతమ్ గంభీర్ మండిపాటు