ట్రాన్స్​ఫార్మర్​లో మంటలు... భయంతో పరుగులు తీసిన ప్రజలు

వ్యవసాయ బోరుబావులకు విద్యుత్ సరఫరా అందించే ట్రాన్స్​ఫార్మర్​లో ఒక్కసారిగా మంటలు చెలరేగిన ఘటన నిర్మల్ జిల్లాలోని పర్డిలో చోటుచేసుకుంది. సాంకేతిక లోపం వల్లే మంటలు చెలరేగాయని విద్యుత్ సిబ్బంది తెలిపారు.

నిర్మల్ జిల్లా కుభీర్ మండలంలోని పర్డి(కె) గ్రామం నుంచి పర్డి(కె) తండాకు వెళ్లే మార్గంలో విద్యుత్​ ట్రాన్స్​ఫార్మర్​లో మంటలు చెలరేగాయి.

అటుగా వెళ్తున్న ప్రజలు భయంతో పరుగులు తీశారు. వ్యవసాయ పనుల నిమిత్తం ఏర్పాటు చేసిన ఈ నియంత్రికలో సాంకేతిక లోపం వల్లే మంటలు వచ్చాయని విద్యుత్ సిబ్బంది తెలిపారు.

గతేడాది నుంచి ట్రాన్స్​ఫార్మర్​లో నియంత్రికలో సమస్యలు ఉన్నాయని... అధికారులకు పలుమార్లు విజ్ఞప్తి చేసినా నిర్లక్ష్యం వహిస్తున్నారని రైతులు వాపోయారు. ఈ నియంత్రిక కింద 20 వరకు వ్యవసాయ బోరుబావులు ఉన్నాయని... అధికారులు త్వరగా స్పందించాలని కోరుతున్నారు.

ఇదీ చూడండి:లాక్​డౌన్ ఎఫెక్ట్: ఆలుమగల మధ్య కరోనా రగిల్చిన మంటలివి!