అకాల వర్షాలతో అన్నదాత విలవిల

అకాల వర్షాలు అన్నదాతలను ఆగమాగం చేస్తున్నాయి. గత రెండు రోజులుగా ఎడతెరపి లేకుండా కురుస్తున్న భారీ వర్షాలకు రైతులకు తీవ్ర నష్టం వాటిల్లింది.

నిర్మల్​ జిల్లా ముధోల్​లో గత రెండ్రోజులుగా ఎడతెరపి లేకుండా వర్షాలు కురుస్తున్నాయి. రోడ్లపై ఆరబెట్టిన సోయా పంట తడిసి ముద్దయింది. చేతికొచ్చిన పంట పాడైపోయిందని రైతులు ఆవేదన చెందుతున్నారు. ముఖ్యంగా సోయా విత్తనాలు తడిస్తే మొలకెత్తే స్వభావం ఉంటాయి. మక్కలు కూడా ముక్కిపోతున్నాయి. రైతులకు ఆరబెట్టే తిప్పలు తప్పడం లేదు. ఇలా అనేక రకాలుగా పంటను నష్టపోతున్నామని ఆవేదన వ్యక్తం చేశారు. ప్రభుత్వం తమను ఆదుకోవాలని రైతులు వేడుకుంటున్నారు.

ఇవీచూడండి: జీతాల చెల్లింపునకు నిధుల్లేవు: ఆర్టీసీ యాజమాన్యం