గంజాల్​ టోల్​ప్లాజా వద్ద మొరాయించిన ఫాస్టాగ్​ సర్వర్

నిర్మల్​ జిల్లా సోన్​ మండలంలోని గంజాల్​ టోల్​ప్లాజా వద్ద ఉన్న ఫాస్టాగ్​ సర్వర్​ మొరాయించడం వల్ల గంటకు పైగా వాహనాలు నిలిచిపోయాయి. వేగంగా వెళ్లేందుకు ఫాస్టాగ్​ విధానం ఎంచుకుంటే సాంకేతిక లోపం వల్ల ఆలస్యమైందని వాహనదారులు తీవ్ర అసహనం వ్యక్తం చేశారు.

గంజాల్​ టోల్​ప్లాజా వద్ద ఫాస్టాగ్​ సర్వర్​ మొరాయించడం వల్ల నిర్మల్​ జిల్లా సోన్​ మండల కేంద్రంలో గంటపాటు వాహనాల రాకపోకలు నిలిచిపోయాయి.

ఫాస్టాగ్​ కోసం మూడు కౌంటర్లు, నగదు లావాదేవీలకై ఒక కౌంటర్​ ఏర్పాటు చేశారు. సాంకేతిక లోపంతో ఫాస్టాగ్​ సర్వర్​ మొరాయించడం వల్ల వాహనదారులు తిరిగి నగదు కౌంటర్​కు వెళ్లాల్సి వచ్చింది. ఈ క్రమంలో రెండు కార్లు ఢీకొని స్వల్ప వాగ్వాదం చోటు చేసుకుంది.

వేగంగా వెళ్లిపోయేందుకు ఫాస్టాగ్​ విధానం ఎంచుకుంటే, సాంకేతిక లోపం వల్ల ఆలస్యమైందని వాహనదారులు అసంతృప్తి వ్యక్తం చేశారు. చేసేదేంలేక నగదు చెల్లించి అక్కణ్నుంచి వెళ్లిపోయారు. నిపుణులను పిలిపించి మరమ్మతు చేయించిన తర్వాత తిరిగి వాహనాలు ఫాస్టాగ్​ ద్వారా వెళ్లాయి.

• ఇదీ చూడండి :సరిలేరు 'కేజ్రీ'కెవ్వరూ.. దిల్లీ పీఠంపై ఆప్​ 'హ్యాట్రిక్​'