'ప్లాస్టిక్ రహిత సమాజాన్ని నిర్మిద్దాం' అనే అంశంపై నిర్మల్లోని పురపాలక సంఘ కార్యాలయంలో ఈటీవీ-ఈనాడు ఆధ్వర్యంలో నిర్వహించిన అవగాహన సదస్సుకు అపూర్వ స్పందన లభించింది. ఈ సదస్సులో నిర్మల్ జిల్లా పాలనాధికారి ప్రశాంతి మాట్లాడుతూ... ప్రభుత్వ కార్యాలయాల్లో పనిచేసే ప్రతి ఉద్యోగి తమ వెంట ఓ జూట్ బ్యాగ్, స్టీల్ టీ కప్పును తీసుకెళ్లాలని సూచించారు . మార్పు మొదట మనతోనే మొదలవ్వాలని, ప్లాస్టిక్ నిర్మూలనలో ప్రతి ఒక్కరూ భాగస్వాములు కావాలని పిలుపునిచ్చారు. ఈ నిబంధనలు మొదట నిర్మల్ జిల్లాతోనే ప్రారంభమవ్వాలని, ఇవి ఇతరులకు స్ఫూర్తిగా మారాలని అన్నారు. రేపటి నుంచి నిత్యావసర సరుకుల కోసం ప్లాస్టిక్కు బదులుగా ప్రత్యామ్నాయ సంచులను వాడాలన్నారు . రానున్న రోజుల్లో వ్యాపారస్తులకు ప్లాస్టిక్ నిషేధంపై అవగాహన సదస్సులు నిర్వహిస్తామని తెలిపారు. ఆ తర్వాత ప్లాస్టిక్ వాడకంపై జరిమానాలు సైతం విధిస్తామని పేర్కొన్నారు. ఈ కార్యక్రమంలో ఉప పాలనాధికారి భాస్కరరావు, మున్సిపల్ ఇన్ఛార్జి కమిషనర్ వెంకటేశ్వర్లుతో పాటు పట్టణంలోని పలు స్వచ్ఛంద సంస్థల సభ్యులు, ప్రభుత్వ ఉద్యోగులు, వ్యాపారస్తులు పాల్గొన్నారు. ప్లాస్టిక్ సంచులకి ప్రత్యామ్నాయాలను ప్రభుత్వమే సమకూర్చాలని అభిప్రాయపడ్డారు స్వచ్ఛంద సంస్థల సభ్యులు.
ప్లాస్టిక్ నిషేధం వైపు నిర్మల్ అడుగులు
ప్లాస్టిక్ నిషేధంపై ఈటీవీ-ఈనాడు ఆధ్వర్యంలో 'ప్లాస్టిక్ రహిత సమాజాన్ని నిర్మిద్దాం' అనే అంశంపై నిర్మల్ జిల్లాలోని పురపాలక సంఘ కార్యాలయంలో నిర్వహించిన అవగాహన సదస్సుకు అపూర్వ స్పందన లభించింది. ఈ సదస్సు ద్వారా ప్లాస్టిక్ వినియోగాన్ని అంతమొందించే దిశగా చర్యలు చేపడతామన్నారు నిర్మల్ జిల్లా ప్రభుత్వ యంత్రాగం.
ప్లాస్టిక్ నిషేధం వైపు నిర్మల్ అడుగులు