పేద ముస్లింలకు రంజాన్ గిఫ్ట్ ప్యాక్​లు పంపిణీ

నిర్మల్ జిల్లా కేంద్రంలోని 39వ వార్డు గుల్జార్ మసీద్​లో పేద ముస్లిం కుటుంబాలకు రంజాన్ గిఫ్ట్​ ప్యాక్​లు పంపిణీ చేశారు. కరోనా నిబంధనలు పాటిస్తూ పండుగను జరుపుకోవాలని కౌన్సిలర్ తౌహీరుద్దిన్ సూచించారు.

రంజాన్ పండుగను కరోనా నిబంధనలు పాటిస్తూ ఆనందంగా జరుపుకోవాలని కౌన్సిలర్ తౌహీరుద్దిన్ రఫ్ఫూ అన్నారు. నిర్మల్ జిల్లా కేంద్రంలోని 39వ వార్డు గుల్జార్ మసీద్​లో పేద ముస్లిం కుటుంబాలకు ప్రభుత్వం అందించే రంజాన్ గిఫ్ట్​ ప్యాక్​లు పంపిణీ చేశారు.

ముస్లింలకు ఏటా ప్రభుత్వం రంజాన్ కానుక అందిస్తుందని.. పేద ముస్లిం ప్రజలు సద్వినియోగం చేసుకోవాలని కోరారు. ఈ కార్యక్రమంలో గుల్జార్ మసీద్ అధ్యక్ష, కార్యదర్శులు సయ్యద్ బషీర్, ఎంఏ వహీద్ తదితరులు పాల్గొన్నారు.

ఇదీ చూడండి:రాష్ట్రంలో కొత్తగా 5,186 కరోనా కేసులు.. 38 మంది మృతి