వినాయక శోభయాత్రలో అపశృతి

గణేశ్​ శోభయాత్ర జరుగుతున్న సమయంలో ఓ యువకుడికి విద్యత్​ వైర్లు తగిలి మృతి చెందిన ఘటన నిర్మల్​ జిల్లా భైంసాలో జరిగింది. మృతుడి కుటుంబానికి న్యాయం చేయాలంటూ హిందు ఉత్సవ కమిటీ సభ్యులు ఆందోళనకు దిగారు.

నిర్మల్ జిల్లా భైంసా పట్టణంలో జరిగిన శోభయాత్రలో అపశృతి చోటుచేసుకుంది, గణేశుల ఊరేగింపు సమయంలో విద్యుత్ తీగలు తగిలి యువకుడు శంకర్ మృతి చెందారు. విద్యుత్​ శాఖ అధికారుల నిర్లక్ష్యంతోనే యవకుడు మరణించాడని హిందు ఉత్సవ కమిటీ సభ్యులు ఆందోళన దిగారు. న్యాయం చేయాలంటూ నినాదాలు చేశారు. పోలీసులు నచ్చజెప్పినా వినలేదు. జాయింట్ కలెక్టర్ రాకతో ధర్నా విరమించారు. మృతుని కుటుంబానికి ప్రభుత్వం తరుఫున 5 లక్షల రూపాయలతో పాటు, కుటుంబంలో ఒకరికి తాత్కాలిక ఉద్యోగం ఇస్తామని జేసీ చెప్పారు. విద్యుత్ అధికారులపై చర్యలు తీసుకుంటామని హామీ ఇచ్చారు.

ఇదీ చూడండి : 'కల్వకుంట్ల, ఒవైసీ కుటుంబాల చేతుల్లో తెలంగాణ బందీ