ముథోల్​ గ్రామపంచాయతీ సర్వసభ్య సమావేశంలో వాగ్వాదం

ముధోల్​ గ్రామపంచాయతీలో సర్వసభ్య సమావేశం నిర్వహించారు. ఈ భేటీలో కాస్త వాగ్వాదం చోటుచేసుకుంది. వార్డు మెంబర్లు సర్పంచ్​ను ఆదాయం లెక్కలపై ప్రశ్నించారు.

నిర్మల్​ జిల్లా ముధోల్​ గ్రామపంచాయతీలో సర్పంచ్​ను వార్డు సభ్యులు నిలదీశారు. ఇవాళ గ్రామ పంచాయతీలో సర్వసభ్య సమావేశం జరిగింది. సర్పంచ్​, వార్డు సభ్యులు తదితర అధికారులు హాజరయ్యారు.

ఈ సమావేశంలో కొందరు వార్డు సభ్యులు.. పలు అభివృద్ధి పనులు, మొరం అమ్మకాలపై వచ్చిన ఆదాయం లెక్కలను ప్రశ్నించారు. లెక్కలు అడగడానికి మీరెవరు అని ప్రశ్నించడంతో.. వారు ఆగ్రహం వ్యక్తం చేశారు. పంచాయతీలో ప్రైవేట్ వ్యక్తులతో పనులు ఎందుకు చేయిస్తున్నారని సర్పంచ్​ను ప్రశ్నించగా.. ఆయన వారినే అడగాలని ఎదురు చెప్పడంతో వారంతా అవాక్కయ్యారు. వార్డు సభ్యులుగా ఉండి ప్రైవేట్ వ్యక్తులను అడిగితే సిగ్గుచేటని వారు వాపోయారు.

ఇదీ చూడండి:-'భారత్​-చైనా మధ్య మరొకరి జోక్యం అవసరం లేదు'