పట్టణ ప్రగతి కార్యక్రమం రసాభాస

తెలంగాణ ప్రభుత్వం ప్రతిష్ఠాత్మకంగా చేపట్టిన పట్టణ ప్రగతి కార్యక్రమం ఆందోళనకు దారి తీసింది. నిర్మల్​ జిల్లా ఖానాపూర్​లో కలెక్టర్​ పర్యటన గురించి తమకు సమాచారం ఇవ్వలేదని కాంగ్రెస్​ పార్టీ నేతలు ఆగ్రహం వ్యక్తం చేశారు. అధికారుల తీరును నిరసిస్తూ ఎంపీడీవో కార్యాలయం ఎదుట ధర్నాకు దిగారు.

నిర్మల్ జిల్లా ఖానాపూర్ పట్టణ ప్రగతి కార్యక్రమం రసాభాసగా మారింది. తెరాస నాయకుల చేతుల్లో కీలుబొమ్మలుగా అధికారులు మారారని, ప్రతిపక్ష కౌన్సిలర్​లను నిర్లక్ష్యం చేస్తున్నారని కాంగ్రెస్​ నేతలు ఆరోపించారు. నాలుగో రోజు పట్టణ ప్రగతిలో భాగంగా కలెక్టర్​ ముషారఫ్​ అలి ఫారూఖీ, ఎమ్మెల్యే రేఖా నాయ్​ పట్టణంలో పర్యటించారు. కలెక్టర్​ పర్యటన గురించి తమకు సమాచారం ఇవ్వకుండా.. తెరాస నాయకులు ఫోటోలకు పోజులిచ్చి అధికారులను పంపించారని, కాంగ్రెస్​ పార్టీ కౌన్సిలర్లు ఆరోపించారు.

ఎంపీడీవో కార్యాలయం ఎదుట ధర్నా..

అధికారుల తీరును నిరసిస్తూ కాంగ్రెస్​ పార్టీ నాయకులు ఎంపీడీవో కార్యాలయం ముందు ధర్నాకు దిగారు. నచ్చజెప్పేందుకు వచ్చిన ఎంపీడీవోపై దుర్భాషలాడారు. పోలీసులు కలుగజేసుకోని సముదాయించేందుకు యత్నించినా ఆందోళన విరమించలేదు.

ఇవీ చూడండి:జిల్లా కేంద్రంలో పర్యటించిన నిర్మల్ కలెక్టర్