సాధారణ ప్రసవాల సంఖ్య పెరగాలి: కలెక్టర్​ ముషర్రఫ్​

నిర్మల్​ జిల్లా కలెక్టరేట్​లో ప్రభుత్వ, ప్రైవేట్ ఆస్పత్రుల వైద్యులతో కలెక్టర్​ ముషర్రఫ్​ ఫారూఖీ సమావేశం నిర్వహించారు. ఆస్పత్రుల్లో సాధారణ ప్రసవాల సంఖ్య పెరగాలని అధికారులను కలెక్టర్​ ఆదేశించారు.

జిల్లాలోని ప్రభుత్వ, ప్రైవేట్ ఆస్పత్రుల్లో సాధారణ ప్రసవాల సంఖ్య పెరగాలని నిర్మల్​ కలెక్టర్ ముషర్రఫ్ అలీ ఫారూఖీ.. వైద్యాశాఖ అధికారులను ఆదేశించారు. గురువారం సాయంత్రం కలెక్టరేట్​లోని సమావేశ మందిరంలో సాధారణ ప్రసవాలపై ప్రభుత్వ, ప్రైవేట్ ఆస్పత్రుల వైద్యులు, వైద్య శాఖ అధికారులతో సమీక్షా సమావేశం నిర్వహించారు. ప్రజలకు మెరుగైన వైద్య సేవలు అందించాలని కలెక్టర్​ సూచించారు. డాక్టర్లు, సిబ్బంది సమయపాలన కచ్చితంగా పాటించాలన్నారు.

ప్రైవేట్ ఆస్పత్రుల్లో మండలాల వారీగా ఇప్పటి వరకు జరిగిన ప్రసవాలపై నివేదిక తయారుచేయాలని అధికారులను ఆదేశించారు. సాధారణ ప్రసవాలు చేయడంలో నిర్లక్ష్యం వహించిన వైద్యులు, వైద్య సిబ్బందిపై కఠిన చర్యలు తీసుకుంటామని హెచ్చరించారు.

ఇదీ చదవండి:గురుకులాల్లో కరోనా అలజడి.. విద్యార్థులపై కొవిడ్ గురి