చెరువు భూముల సర్వేను పకడ్బందీగా చేపట్టాలి:కలెక్టర్

నిర్మల్​ జిల్లా వ్యాప్తంగా చెరువు భూముల సర్వేను పకడ్బందీగా చేపట్టాలని అధికారులను జిల్లా పాలనాధికారి ముషారఫ్ ఫారూఖీ ఆదేశించారు. హైకోర్టు ఆదేశాల మేరకు చెరువు భూముల సర్వేపై రెవెన్యూ, పురపాలక, సర్వే, నీటిపారుదల అధికారులతో తన కార్యాలయంలో సమీక్షా సమావేశం నిర్వహించారు.

నిర్మల్​ జిల్లాలోని చెరువుల భూములకు సంబంధించిన సర్వేను నెలరోజుల్లో పూర్తి చేయాలని అధికారులను కలెక్టర్​ ముషారఫ్ ఫారుఖీ ఆదేశించారు. రాష్ట్ర ఉన్నత న్యాయస్థానం ఆదేశాల ప్రకారం రెవెన్యూ, పురపాలక, నీటిపారుదల, సర్వే అధికారులతో సమావేశమయ్యారు.

చెరువుల భూములు ఆక్రమణకు గురికాకుండా తీసుకుంటున్న చర్యలపై డిసెంబర్ 4 న హైకోర్టుకు నివేదిక సమర్పించాలన్నారు. బుధవారం నుంచి సర్వేను ప్రారంభించి అధికారులంతా సమన్వయంతో పూర్తిస్థాయి నివేదికను సిద్ధం చేయాలన్నారు. ఈ సమావేశంలో పురపాలక ఛైర్మన్ గండ్రత్ ఈశ్వర్, రెవెన్యూ, నీటిపారుదల శాఖ, సర్వే అధికారులు పాల్గొన్నారు.

ఇదీ చూడండి: సాదాబైనామాలకు మరో అవకాశం