'అధైర్య పడకండి... అండగా ఉంటాం'

లాక్​డౌన్​తో ప్రజలకు ఇబ్బందులు కలగకుండా ఉండేందుకు మేం ఉన్నామంటూ దాతలు ముందుకొస్తున్నారు. నిర్మల్ జిల్లాలో భాజపా ఆధ్వర్యంలో పేదలకు నిత్యావసర సరుకులను పంపిణీ చేశారు.

నిర్మల్​ జిల్లా సోన్ మండలంలోని కడ్తాల్ గ్రామంలో నిరుపేదలకు భాజపా కార్యకర్తలు ఇంటింటికి వెళ్లి కూరగాయలు, కోడి గుడ్లలను పంపిణీ చేశారు. అనంతరం గ్రామస్థులకు కరోనా వైరస్​పై తీసుకోవాల్సిన జాగ్రత్తల గురించి వివరించారు. అధికారులు చెప్పే సూచనలు, సలహాలు పాటించాలని కోరారు. కరోనా కేసులు పెరుగుతున్నందున ప్రజలు స్వీయ నియంత్రణ పాటించి ఇళ్లలోనే ఉండాలని కోరారు.