భైంసా బాధిత కుటుంబాలకు.. భాజపా ఎన్నారై సెల్ ఆర్థిక సహాయం

గత నెల భైంసాలో జరిగిన అల్లర్లలో ఇళ్లు కోల్పోయిన వారికి తెలంగాణ భాజపా ఎన్నారై సెల్ ఒమన్ ఆర్థిక శాఖ సహాయం చేసింది. బాధిత కుటుంబాలకు 2 లక్షల 2 వేల రూపాయల ఆర్థిక సహాయం అందజేశారు.

నిర్మల్ జిల్లా భైంసాలో గత నెల జరిగిన అల్లర్లలో ఇళ్లు కోల్పోయిన వారికి తెలంగాణ భాజపా ఎన్నారై సెల్ ఒమన్ ఆర్థిక శాఖ సహాయం చేసింది. తెలంగాణ ఎన్నారై సెల్, మిడిల్ ఈస్ట్ కన్వీనర్ నరేంద్ర పన్నీరు బాధిత కుటుంబాలకు 2 లక్షల 2 వేల రూపాయల ఆర్థిక సహాయం అందజేశారు.

ఒమాన్ కన్వీనర్ కుమార్ మంచికట్ల ఆధ్వర్యంలో కార్యకర్తలు స్పందించి విరాళం అందించారని ఆయన తెలిపారు. ఎన్నారైలు బాధితులకు ఎల్లప్పుడూ అండగా ఉంటారని అన్నారు. ఈ కార్యక్రమంలో నిర్మల్ భాజపా అధ్యక్షురాలు డా. పడకంటి రమాదేవి, ఒమన్ భాజపా నాయకులు పాల్గొన్నారు.

ఇదీ చూడండి :డబుల్ బెడ్​రూం కోసం.. తెలంగాణ భవన్ వద్ద ఆందోళన