8 కిలోల గంజాయి స్వాధీనం.. ఇద్దరు అరెస్ట్​

అక్రమంగా గంజాయి తరలిస్తున్న ఇద్దరిని నిర్మల్​ ఎక్సైజ్​ పోలీసులు పట్టుకున్నారు. వారి నుంచి రూ.40 వేలు విలువ చేసే 8 కిలోల గంజాయి స్వాధీనం చేసుకున్నట్లు పోలీసులు తెలిపారు.

అధికారుల కళ్లు కప్పి, ఎవరికి అనుమానం రాకుండా ఆర్టీసీ బస్సులో గంజాయి తరలించేందుకు పథకం వేసుకున్న ఇద్దరిని ఎక్సైజ్​ పోలీసులు ప్రయాణ ప్రాంగణంలో అరెస్ట్​ చేశారు. హైదరాబాద్‌కు చెందిన శివాజి చౌహాన్‌, రాఠోడ్‌ భీంసింగ్‌... ఆదిలాబాద్​కు చెందిన జైవంత్​ అనే వ్యక్తి నుంచి 8 కిలోల గంజాయి కొనుగోలు చేసి బ్యాగుల్లో పెట్టుకుని హైదరాబాద్​ వెళ్లేందుకు నిర్మల్​ జిల్లా కేంద్రంలోని బస్టాండుకు వచ్చారు.

పోలీసులకు సమాచారం అందడం వల్ల ప్రయాణికులను తనిఖీ చేస్తుండగా గంజాయి తరలిస్తున్న ఇద్దరు పట్టుబడ్డారు. ఇద్దరిని అదుపులోకి తీసుకుని వారి నుంచి రూ.40 వేలు విలువ చేసే 8 కిలోల గంజాయి స్వాధీనం చేసుకున్నట్లు ఎక్సైజ్​ సీఐ సంపత్​ కృష్ణ తెలిపారు.

ఇదీ చూడండి: దొంగతనం కేసును ఛేదించిన పోలీసులు