నా కొడుకు మంచోడు: మహ్మద్ పాషా తల్లి

షాద్​నగర్​ దుర్ఘటనలో నిందితుడైన మహ్మద్​ పాషాను రాత్రి పోలీసులు తీసుకెళ్లారని అతని తల్లి చెబుతోంది. తన కొడుక్కి ఏ పాపం తెలియదని అంటోంది.

రంగారెడ్డి జిల్లా షాద్​నగర్​ సమీపంలో యువతి హత్య కేసులో నలుగురిని పోలీసులు అరెస్టు చేశారు. నిందితుల్లో ఒకడైన మహ్మద్​ పాషాను పోలీసులు తీసుకెళ్లినట్లు అతని తల్లి మౌలమ్మ వెల్లడించింది. తన కొడుకు అర్ధరాత్రి 12 గంటలకు ఇంటికొచ్చాడని.... తెల్లవారుజామున 3 గంటలకు పోలీసులు తీసుకెళ్లారని వెల్లడించింది.

నారాయణపేట జిల్లా మక్తల్​ మండలం జక్లేరులోని ఇంటి నుంచి పోలీసులు తీసుకెళ్లారని తెలిపింది. అతనికేం తెలీదని.. వెంటనే కొడుకుని ఇంటికి పంపాలని మహ్మద్ పాషా తల్లి కోరుతోంది. గత ఐదేళ్లుగా లారీ డ్రైవర్​గా పనిచేస్తున్నట్లు తెలిపింది.

ఇదీ చదవండిః ప్రియాంకరెడ్డి మర్డర్: ఎక్కడో చంపేసి బైపాస్​రోడ్డులో తగలబెట్టారు..