రెండో రోజుకు చేరిన నారాయణపేట కంది రైతుల ఆందోళన

నారాయణపేట జిల్లాలో కంది రైతుల ఆందోళన రెండో రోజుకు చేరింది. మండపేట వ్యవసాయ మార్కెట్​ యార్డులో కందుల కొనుగోళ్లు నిలిపివేయడంపై కర్షకులు రాస్తారోకో చేశారు.

నారాయణపేట జిల్లాలోని మండపేట వ్యవసాయ మార్కెట్​లో అధికారులు కంది కొనుగోళ్లు నిలిపివేశారని రైతులు ఆందోళనకు దిగారు. మార్క్​ఫెడ్​ అధికారులు టోకెన్లు ఇచ్చిన తర్వాత కొనుగోలు సెంటర్లు బంద్​ చేశారని కర్షకులు ఆవేదన వ్యక్తం చేశారు.

నారాయణపేట-హైదరాబాద్​ రోడ్డుపై రాస్తారోకో చేయడం వల్ల రవాణా ఎక్కడికక్కడే స్తంభించింది. పోలీసులు సర్ది చెప్పే ప్రయత్నం చేసినా... రైతులు కదలకుండా భీష్మించుకు కూర్చున్నారు. తమ వద్ద నుంచి కందులు కొనుగోలు చేసే వరకు ఆందోళన విరమించేదిలేదని తేల్చిచెప్పారు.

• ఇదీ చూడండి:మరింత స్వేచ్ఛ ఇచ్చినప్పుడే కేంద్ర లక్ష్యం నెరవేరుతుంది : కేటీఆర్