'త్వరలోనే రెండో విడత ఉచిత గొర్రెలు అందిస్తాం'

నారాయణపేట జిల్లా మరికల్​ మండలంలోని పెద్దచింతకుంట గ్రామ సమీపంలో గొర్రెలు, మేకలకు నట్టల నివారణ మందుల పంపిణీ కార్యక్రమం ఏర్పాటు చేశారు. రాష్ట్ర పశు వైద్య, పశు సంవర్ధక శాఖ డైరెక్టర్​ డా.లక్ష్మారెడ్డి ముఖ్య అతిథిగా హాజరయ్యారు.

గొర్రెల సంపద పెరగడానికి ప్రభుత్వం ఉచిత గొర్రెల పంపిణీ పథకం తీసుకొచ్చిందని రాష్ట్ర పశు వైద్య, పశు సంవర్ధక శాఖ డైరెక్టర్​ డా.లక్ష్మారెడ్డి పేర్కొన్నారు. ఈ పథకం ద్వారా కురుమ, యాదవ వర్గాలు అభివృద్ధి చెందడానికి అవకాశం ఉందని తెలిపారు. గురువారం నారాయణపేట జిల్లా మరికల్​ మండలంలోని పెద్దచింతకుంట గ్రామ సమీపంలో ఏర్పాటు చేసిన గొర్రెలకు, మేకలకు నట్టల నివారణ మందుల పంపిణీ కార్యక్రమానికి ఆయన ముఖ్య అతిథిగా హాజరయ్యారు.

ఈ సందర్భంగా నిరుపేద గొర్రెల కాపరులకు ప్రభుత్వం ఎన్నో సంక్షేమ పథకాలు ప్రవేశ పెట్టిందని లక్ష్మారెడ్డి పేర్కొన్నారు. రెండో విడత ఉచిత​ గొర్రెలు అందని వారికి త్వరలోనే అందిస్తామని వెల్లడించారు. ఈనెల 15 నుంచి ఆవులకు, గేదెలకు, వరాహాలకు గాలికుంటు నివారణ ముందులు పంపిణీ చేస్తామని తెలిపారు.