జితేందర్ రెడ్డి, రాజేందర్​ రెడ్డిల మధ్య మాటల యుద్ధం

తెలంగాణలో ఎన్నికల ప్రచారాలు వాడీవేడిగా సాగుతున్నాయి. మహబూబ్​నగర్ భాజపా అభ్యర్థి డీకే అరుణ తరఫున వచ్చిన ఎంపీ జితేందర్ రెడ్డికి, స్థానిక ఎమ్మెల్యే రాజేందర్ రెడ్డి మధ్య మాటల యుద్ధం సాగింది.

నారాయణపేట జిల్లాలో భాజపా ఎంపీ అభ్యర్థి డీకే అరుణ ప్రచారంలో భాగంగా ఎంపీ జితేందర్ రెడ్డి స్థానిక ఎమ్మెల్యేపై విమర్శలు గుప్పించారు. లగడపాటి సర్వేలో గెలుస్తారని చెప్పినందుకే ప్రజలు రాజేందర్​రెడ్డికి ఓటువేశారని ఆరోపించారు.

జితేందర్ రెడ్డి మాటలను ఎమ్మెల్యే రాజేందర్ రెడ్డి ఖండించారు. ప్రజల్లో తన పట్ల గౌరవం ఉందని అందుకే గెలిచానని వెల్లడించారు. భాజపాకు జిల్లాలోనే కాదు రాష్ట్రంలో కూడా ప్రజాదరణ లేదని వ్యాఖ్యానించారు. స్థానిక పార్టీలన్ని కలిసి కేంద్రంలో ప్రభుత్వం ఏర్పరిస్తే భాజపా ఏమౌతుందో ఆలోచించుకోవాలంటూ విమర్శించారు.

ఇవీ చూడండి: రక్షక భటుల నిలయంలోనే రక్షణ లేకపోతే!