నారాయణపేట జిల్లా ఊట్కూరు మండల కేంద్రంలో భక్తి శ్రద్ధలతో కొనసాగుతున్న మొహర్రం ఏర్పాట్లను ఎస్పీ డాక్టర్ చేతన పర్యవేక్షించారు. ఈ సందర్భంగా పదో రోజు సాయంత్రం హసన్, హుస్సేన్ పీర్లను నిమజ్జనానికి తరలించే ఆయా ప్రాంతాల్లో బందోబస్తును పరిశీలించారు. అక్కడ పరిస్థితులను సిబ్బందిని అడిగి తెలుసుకున్నారు. ఊరేగింపులో భక్తులకు ఇబ్బందులు తలెత్తకుండా చూడాలని ఏవైనా సమస్యలు ఎదురైతే పరిష్కరించేందుకు చొరవ చూపాలన్నారు. ఈ కార్యక్రమంలో డీఎస్పీ మధుసూదన్రావు, సీఐ శంకర్, ఎస్సై రషీద్ పాల్గొన్నారు.
'ఊట్కూరులో సందడిగా పీర్ల ఊరేగింపు'
మొహరం పండుగను పురస్కరించుకుని నారాయణపేట జిల్లా ఊట్కూరులో పీర్ల నిమజ్జన కార్యక్రమంలో ఎలాంటి అవాంఛనీయ ఘటనలు జరగకుండా చూసుకోవాలని ఎస్పీ డాక్టర్ చేతన తెలిపారు. ఊరేగింపు ప్రక్రియకు ఏర్పాటు చేసిన బందోబస్తును ఆమె పర్యవేక్షించారు.
'పీర్ల ఊరేగింపులో ఎలాంటి అవాంఛనీయ ఘటనలు జరుగకూడదు'