కరోనా ఎఫెక్ట్: సాగు చేసిన పంటంతా నేలపాలు

ఆరుగాలం కష్టపడి పండించిన పంటంతా లాక్​డౌన్ కారణంగా నేలపాలైంది. అప్పులు తెచ్చి మరీ పంట సాగు చేస్తే... నష్టాలే మిగిలాయని ఓ రైతు ఆవేదన వ్యక్తం చేస్తున్నాడు.

నారాయణపేట జిల్లా తిరుమలాపూర్ గ్రామానికి చెందిన కోస్గి కృష్ణ తనకున్న పొలంలో కీరదోస సాగు చేశాడు. పంట చేతికొచ్చే సమయంలోనే కేంద్ర, రాష్ట్ర ప్రభుత్వాలు లాక్​డౌన్ ప్రకటించడం వల్ల పంటను అమ్ముకోలేని పరిస్థితి ఏర్పడింది. ఏం చేయాలో పాలుపోక... పంటను అమ్ముకోలేక తీవ్ర ఇబ్బందులు ఎదుర్కొన్నాడు.

అధికారుల చుట్టూ తిరిగితే... పంటను అమ్ముకోవచ్చని తెలిపారు. కానీ సరైన డిమాండ్ లేనందున పంట మొత్తం నేలపాలైంది. దాదాపు 2 లక్షల వరకూ నష్టం వాటిల్లిందని రైతు వాపోతున్నాడు.

ఇవీ చూడండి:గవర్నర్ తమిళిసైతో భాజపా ప్రతినిధుల బృందం భేటీ