చిట్టెం నర్సిరెడ్డి రిజర్వాయర్​ను సందర్శించిన కలెక్టర్​

మక్తల్ మండలంలోని చిట్టెం నర్సిరెడ్డి రిజర్వాయర్​ను జిల్లా కలెక్టర్ హరిచందన పరిశీలించారు. ప్రాజెక్టు పూర్తి సామర్థ్యంతో పాటు కాలువలు, సాగు నీటి వివరాలను నీటిపారుదల శాఖ అధికారులను అడిగి తెలుసుకున్నారు.

నారాయణపేట జిల్లా మక్తల్​ మండలంలో జిల్లా పాలనాధికారి హరిచందన పర్యటించారు. మండలంలోని చిట్టెం నర్సిరెడ్డి జలాశయాన్ని పరిశీలించారు. ప్రాజెక్టు కాలువలు, రిజర్వాయర్​ సామర్థ్యం, పెండింగ్ పనుల పురోగతిని నీటి పారుదల అధికారులను అడిగి తెలుసుకున్నారు. ఆయకట్టు కింద సాగు విస్తీర్ణంపై ఆరాతీశారు.

అనంతరం ఖానాపూర్ లిఫ్ట్​ను పరిశీలించిన కలెక్టర్​కు... బీమా ప్రాజెక్ట్ ఫేజ్ వన్ లిఫ్ట్-2లో భాగంగా ఎత్తిపోతల గురించి అధికారులు వివరించారు. సంగంబండ రిజర్వాయర్​ను వందశాతం పూర్తిచేసి, రైతులకు సాగునీరు అందించేందుకు కృషి చేస్తామని కలెక్టర్​ హామీ ఇచ్చారు. పాలనాధికారి వెంట ఆర్డీవో శ్రీనివాసులు, తహసీల్దార్ నర్సింగ్ రావు, ఈవోపీఆర్డీ పావని, సాగునీటిశాఖ అధికారులు ఉన్నారు.

ఇదీ చూడండి:దేశాన్ని సాకే రాష్ట్రల్లో తెలంగాణ ముందుంటుంది: కేసీఆర్​