రేపు నారాయణపేటకు వెళ్లనున్న బండి సంజయ్​

భాజపా రాష్ట్ర అధ్యక్షులు బండి సంజయ్ రేపు(ఆదివారం) నారాయణపేటకు వెళ్లనున్నారు. కేంద్ర ప్రభుత్వం నూతనంగా తీసుకొచ్చిన వ్యవసాయ చట్టాలపై రైతులకు అవగాహన కల్పించనున్నారు. ఆ చట్టాలతో నష్టం లేదని రైతులకు వివరించనున్నారు.

కేంద్ర ప్రభుత్వం తీసుకొచ్చిన వ్యవసాయ చట్టాలపై అవగాహన కల్పించేందుకు భాజపా రాష్ట్ర అధ్యక్షులు బండి సంజయ్ రేపు(ఆదివారం) నారాయణపేటకు వెళ్లనున్నారు. నూతన వ్యవసాయ చట్టాలపై రైతులకు నష్టం కలిగించే అంశం లేదని... రైతులను ఆర్థికంగా అభివృద్ధి చేసేందుకే ఆ చట్టాలను తీసుకువచ్చినట్లు వివరించనున్నారు. అనంతరం ఓ ప్రైవేటు ఆసుపత్రిని ప్రారంభిస్తారని పార్టీ నేతలు తెలిపారు.

ఈ నెల 21, 22న కరీంనగర్ జిల్లాలో పర్యటించనున్న బండి సంజయ్.. సోమవారం సిరిసిల్ల జిల్లాలో జరిగే దిశ కార్యక్రమంతో పాటు పార్టీ కార్యక్రమాల్లో పాల్గోనున్నారు. మంగళవారం కరీంనగర్​లో జరిగే దిశ కార్యక్రమంతో పాటు స్థానికంగా జరిగే పార్టీ సమావేశాలకు హాజరుకానున్నారు.

ఇదీ చూడండి :దొంగ రిజిస్ట్రేషన్లకు ధరణి స్వర్గధామం: మురళీధర్​ రావు