కొవిడ్-19 నేపథ్యంలో విద్యాశాఖ ఆన్ లైన్ తరగతులను మంగళవారం ప్రారంభించింది. నారాయణపేట జిల్లా 11 మండలాల్లోని 511 పాఠశాలలకు చెందిన 48,787 విద్యార్థులకు గాను 48,737 మంది విద్యార్థులు వివిధ మాధ్యమాల ద్వారా ఆన్ లైన్ తరగతులకు హాజరైనట్లు జిల్లా విద్యాశాఖ అధికారి రవీందర్ తెలిపారు.
పాఠాల ప్రసారం..
విద్యాశాఖ దూరదర్శన్ యాదగిరి టీ- శాట్ కు చెందిన విద్యా ఛానల్ ద్వారా ముందుగా రికార్డు చేసిన మూడు నుంచి 10వ తరగతుల వారికి పాఠాలను ప్రసారం చేసింది. దూరదర్శన్ లో ఉదయం 10:30 నుంచి మధ్యాహ్నం ఒంటిగంట వరకు మళ్లీ మధ్యాహ్నం 2 గంటల నుంచి సాయంత్రం 5 గంటల వరకు పాఠాలను ప్రసారం చేశారు.