Revanth Tweet: రాష్ట్రంలో ఓ మహిశా సర్పంచ్‌కు పుస్తెలతాడు అమ్మి వడ్డీలు కట్టే దుస్థితిని కల్పించిన సీఎం కేసీఆర్ నిజంగా గొప్పవారేనంటూ టీపీసీసీ రేవంత్ రెడ్డి ఎద్దేవా చేశారు. నల్గొండ జిల్లా మర్రిగూడ మండలం ఎరుగండ్లపల్లి సర్పంచ్ మాడం శాంతమ్మ దుస్థితిపై ఆయన ట్వీట్ చేశారు.
ఊరికి ఉపకారం చేసినందుకు తాళినే అమ్మాల్సిన దుస్థితి తెరాస పాలనలో ఏర్పడిందని రేవంత్‌రెడ్డి మండిపడ్డారు. వడ్డీలు కట్టేందుకు మహిళా సర్పంచ్‌కు తన పుస్తెలతాడు అమ్మే పరిస్థితికి తీసుకొచ్చిన ఘనత సీఎం కేసీఆర్కే దక్కుతుందన్నారు. రాష్ట్రంలో పల్లెల దుర్గతికి ఎరుగండ్లపల్లి సర్పంచ్ ఉదంతమే నిదర్శనమని విమర్శించారు.