రుడుగాయిరా పర్వతాన్ని అధిరోహించిన ఉపాధ్యాయురాలు

నల్గొండ జిల్లా నిడమనూరుకు చెందిన ఉపాధ్యాయురాలు ఉత్తరాఖండ్​లోని రుడుగాయిరా పర్వతాన్ని అధిరోహించింది. పర్వతారోహణపై ఆసక్తితో వెళ్లిన ఆమె లక్ష్యాన్ని సాధించి... పర్వతంపై టీఎస్​యూటీఎఫ్​ జెండా ఎగరవేసింది.

పట్టుదల ఉంటే దేన్నైనా సాధించవచ్చని నిరూపించింది ఈ టీచర్. విద్యార్థులను తీర్చిదిద్దాల్చిన గురువే... ఆదర్శంగా నిలిచింది. నల్గొండ జిల్లా నిడమనూరుకు చెందిన ఉపాధ్యాయురాలు కర్రా విజయలక్ష్మి.. ఉత్తరాఖండ్​లోని 5,200 అడుగుల ఎత్తన రుడుగాయిరా పర్వత శ్రేణులను అధిరోహించింది. పర్వతాలపై టీఎస్​యూటిఎఫ్​ జెండా ఎగరవేసింది.

విజయలక్ష్మి ప్రస్తుతం నల్గొండ జిల్లా త్రిపురారం మండలం కంపాసాగర్​ యూపీఎస్ పాఠశాలలో ఉపాధ్యాయురాలిగా పనిచేస్తోంది. పర్వతారోహణపై ఆసక్తితో... గత నెల 28న 40 మందితో కలిసి వెళ్లింది. విజయలక్ష్మికి భర్త, ఇద్దరు కుమారులు ఉన్నారు.

ఇదీ చూడండి:'నాకు కళ్లు లేవు.. కానీ అమ్మ ప్రపంచాన్నే చూపించేసింది'