సూపర్ లగ్జరీ బస్సు, మోటార్ సైకిల్ ఢీ.. ఇద్దరు మృతి, ఒకరు విషమం

మోటార్ సైకిల్​పై ముగ్గురు వ్యక్తులు వివాహ వేడుకకు వెళ్తుండగా రోడ్డు ప్రమాదం జరిగింది. వేగంగా వెళ్తున్న ఆర్టీసీ సూపర్ లగ్జరీ బస్సును రాంగ్​ రూట్​లో వెళ్లి ఢీకొని ఇద్దరు మృతి చెందగా... మరొకరి పరిస్థితి విషమంగా ఉంది.

నల్గొండ జిల్లా చిట్యాల వద్ద జాతీయ రహదారిపై ఘోర రోడ్డు ప్రమాదం జరిగింది. ఈ ఘటనలో ఇద్దరు వ్యక్తులు అక్కడికక్కడే ప్రాణాలు కోల్పోయారు. మరొకరు తీవ్రంగా గాయపడ్డారు. కొత్తగూడెం నుంచి హైదరాబాద్​ వెళ్తున్న టీఎస్​ఆర్టీసీ సూపర్ లగ్జరీ బస్సు.. ఎదురుగా వచ్చిన టీవీఎస్​ ఎక్స్​ఎల్​ వాహనాన్ని వేగంగా ఢీకొట్టింది. మోటార్​ సైకిల్​పై ముగ్గురు ప్రయాణిస్తుండటం... అపసవ్యదిశలో వెళ్తుండటం ప్రమాదానికి కారణమైంది.

యాదాద్రి భువనగిరి జిల్లా చౌటుప్పల్ మండలం దండు మల్కాపురం గ్రామానికి చెందిన ముగ్గురు వ్యక్తులు ఓ వివాహ వేడుకకు వెళ్తున్న సమయంలో ఈ దుర్ఘటన జరిగింది. గాయపడ్డ వ్యక్తి పరిస్థితి విషమంగా ఉందని వైద్యులు తెలిపారు.

ఇదీ చూడండి:కర్ణాటకలో బంద్​.. ఆంధ్రప్రదేశ్​ బస్సుపై రాళ్ల దాడి