నాగార్జునసాగర్​ 4 క్రస్ట్​ గేట్లు ఎత్తిన అధికారులు

ఎగువ నుంచి వస్తున్న వరదతో కృష్ణా పరివాహక ప్రాజెక్టులు నిండుకుండలా మారాయి. వరద ఉద్ధృతి కొనసాగుతున్న నాగార్జునసాగర్​ ప్రాజెక్టులో.. 4 క్రస్ట్ గేట్లు ఎత్తి నీటిని దిగువకు విడుదల చేస్తున్నారు.

భారీ వర్షాలతో రాష్ట్రంలోని ప్రాజెక్టులన్నీ జలకళను సంతరించుకున్నాయి. గంటగంటకు ఇన్​ఫ్లో పెరుగుతున్నందున శ్రీశైలం ప్రాజెక్టు గేట్లను అధికారులు ఎత్తివేశారు. ఇదే బాటలో నాగార్జుసాగర్​లోనూ 4 క్రస్ట్​ గేట్లు ఎత్తి 29వేల క్యూసెక్కుల నీటిని దిగువకు పంపిస్తున్నారు.

ప్రస్తుతం నాగార్జునసాగర్​ ఇన్​ఫ్లో 3,95,269 క్యూసెక్కులు, ఔట్​ఫ్లో 29,712 క్యూసెక్కులు ఉంది. ప్రాజెక్టు పూర్తిస్థాయి నీటిమట్టం 590 అడుగులకు.. ప్రస్తుతం 583.20 అడుగులకు నీటిమట్టం చేరింది. సాగర్​ పూర్తిస్థాయి నీటిసామర్థ్యం 312.04 టీఎంసీలకు కాగా.. ప్రస్తుతం 289.36 టీఎంసీల నీరు ప్రాజెక్టులో నిల్వ ఉంది.