నాగార్జునసాగర్‌లో కృష్ణమ్మ సందడి మొదలైంది. శ్రీశైలం నుంచి భారీగా వరదనీరు వస్తుండటంతో నాగార్జున సాగర్ జలాశయం నిండుకుండలా మారింది. దీంతో అధికారులు ఈరోజు సాయంత్రం 14 క్రస్టు గేట్లను 5అడుగుల మేరకు ఎత్తి దిగువకు నీరు విడుదల చేస్తున్నారు. నాగార్జున సాగర్ జలాశయానికి 4 లక్షల 64వేల క్యూసెక్కుల ఇన్ఫ్లో వచ్చి చేరుతుండగా.. క్రస్టు గేట్లు ఎత్తి లక్షా 6వేల క్యూసెక్కుల నీటిని విడుదల చేస్తున్నారు. సాగర్ పూర్తి సామర్థ్యం 312.0450 టీఎంసీలు కాగా, ప్రస్తుత నీటి నిల్వ 298 టీఎంసీలుగా ఉంది. నాగార్జునసాగర్‌ పూర్తిస్థాయి నీటిమట్టం 590 అడుగులు కాగా.. ప్రస్తుత నీటిమట్టం 584 అడుగులుగా ఉంది. ఏఎంఆర్పీకి అధికారులు 1800 క్యూసెక్కుల నీటిని విడుదల చేస్తున్నారు.
మధ్యాహ్నం ఎడమ కాలువకు నీటి విడుదల
ముఖ్యమంత్రి ఆదేశాలతో ఈ రోజు మధ్యాహ్నం నాగార్జున సాగర్ ఎడమకాలువకు నీటి విడుదల చేశారు. వానాకాలం పంటసాగు కోసం ఎమ్మెల్యే నోముల భగత్‌, రాజ్యసభ సభ్యులు బడుగుల లింగయ్యతో కలిసి 500 క్యూసెక్కుల నీటిని విడుదల చేయగా... దానిని అధికారులు 600క్యూసెక్కులకు పెంచారు. దశలవారీగా నీటి విడుదల పెంచుతామని అధికారులు తెలిపారు. నాగార్జునసాగర్‌ జలాశయానికి భారీ వరద రావడంతో... ఎడమ కాలువ నీటికి విడుదల చేశారు. గతేడాది ఆగస్టు 11న సాగర్ ఎడమకాల్వకు నీరు ఇవ్వగా... ఈ ఏడాది పదిరోజుల ముందే నీటి విడుదల చేయడంతో రైతులు సంతోషం వ్యక్తం చేస్తున్నారు.
భారీగా తరలివస్తున్న పర్యాటకులు