పోలీస్​ స్టేషన్​ ఎదురుగా వ్యక్తిపై హత్యాయత్నం

మిర్యాలగూడ టూటౌన్​ పీఎస్​ ఎదుట ఓ వ్యక్తిపై హత్యాయత్నం జరిగింది. ఇందుకు కారణం వివాహేతర సంబంధంగా తెలుస్తోంది. శాంతినగర్​కు చెందిన రసూల్​.. బాధితుడుపై కత్తితో దాడి చేయగా.. పీఎస్​లోకి వెళ్లి ప్రాణాలు కాపాడుకున్నాడు. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.

నల్గొండ జిల్లా మిర్యాలగూడ రెండో పట్టణ పోలీస్​ స్టేషన్​ ఎదుట శాంతినగర్​కు చెందిన సత్యనారాయణ రెడ్డిపై హత్యాయత్నం జరిగింది. బాధితున్ని చికిత్స నిమిత్తం ఏరియా ఆస్పత్రికి తరలించారు. మిర్యాలగూడలోని శాంతి నగర్​కు చెందిన రసూల్​ భార్యతో సత్యనారాయణ రెడ్డి సన్నిహితంగా ఉంటున్నాడు.

ఈ విషయమై మూడు రోజుల క్రితం పోలీసుస్టేషన్​లో రసూల్​ ఫిర్యాదు ఇచ్చాడు. శనివారం ఆ ఫిర్యాదు విషయమై ఇరు వర్గాలు పీఎస్​కు వస్తుండగా సత్యనారాయణ రెడ్డిపై రసూల్​ కత్తితో దాడి చేశాడు. చేతికి తీవ్రగాయం కావడం వల్ల బాధితుడు ఠాణాలోకి పరిగెత్తి ప్రాణాలు కాపాడుకున్నాడు. పోలీసులు కేసు నమోదు చేసుకుని దర్యాప్తు చేస్తున్నారు.

ఇదీ చూడండి:జులై వరకు మిడతల ముప్పు తప్పదు!