'పట్టభద్రులు అందరూ ఓటు హక్కు వినియోగించుకోవాలి'

నల్గొండ జిల్లా మిర్యాలగూడ గ్రంథాలయంలో ప్రైవేట్​ పాఠశాలలు, కళాశాలల యాజమాన్యాలకు పట్టభద్రుల ఎమ్మెల్సీ ఎన్నికలపై ఎమ్మెల్యే నల్లమోతు భాస్కర్​రావుతో కలిసి ఆయన అవగాహన సదస్సు నిర్వహించారు. ప్రతి పట్టభద్రుని చేత ఓటు నమోదు చేయించేలా పార్టీ కార్యకర్తలు కృషి చేయాలని ఎమ్మెల్సీ సూచించారు.

నల్గొండ మిర్యాలగూడ ఎన్నికల్లో పట్టభద్రుల ఓటింగ్​ శాతాన్ని పెంచేందుకు ప్రైవేట్ విద్యాసంస్థల యాజమాన్యాలు కృషి చేయాలని తెలంగాణ రాష్ట్ర రైతు సమన్వయ సమితి అధ్యక్షుడు పల్లా రాజేశ్వర్​రెడ్డి కోరారు. మిర్యాలగూడ గ్రంథాలయంలో ప్రైవేట్​ పాఠశాలలు, కళాశాలల యాజమాన్యాలకు పట్టభద్రుల ఎమ్మెల్సీ ఎన్నికలపై ఎమ్మెల్యే నల్లమోతు భాస్కర్​రావుతో కలిసి ఆయన అవగాహన సదస్సు నిర్వహించారు.

ప్రైవేట్ టీచర్లు, లెక్చరర్లు తమ ఓటు హక్కును వినియోగించుకునేలా చైతన్యపరచాలని పల్లా రాజేశ్వర్​రెడ్డి సూచించారు. అక్టోబర్​ 2017లోపు పట్టభద్రులైన వారంతా నవంబర్​6లోపు... తమ పేర్లపై ఓటు నమోదు చేసుకోవాలని విజ్ఞప్తి చేశారు. పట్టభద్రుల ఎమ్మెల్సీ ఎన్నికల్లో తెరాసకే పట్టం కట్టేలా ప్రతి కార్యకర్త కృషి చేయాలన్నారు.

ఇదీ చదవండిఃశాసనమండలి పట్టభద్రుల ఎన్నికలపై తెరాస కసరత్తు