నల్గొండ పట్టణం పానగల్లోని పచ్చల సోమేశ్వరాలయం, ఛాయా సోమేశ్వరాలయాల్లో మహాశివరాత్రి వేడుకలు ఘనంగా నిర్వహించారు. తెల్లవారు జామునుంచే భక్తులు ఆలయానికి తరలొచ్చారు. గర్భ గుడిలోని శివలింగానికి భక్తులు పూలు, పాలు, పండ్లు, నెయ్యితో అభిషేకాలు చేశారు.
సోమేశ్వరాలయంలో మహాశివరాత్రి పూజలు
నల్గొండ జిల్లా వ్యాప్తంగా శివాలయాలు భక్తులతో కిటకిటలాడుతున్నాయి. భక్తులు వేకువజామునే ఆలయాలకు చేరుకొని.. పరమేశ్వరునికి ప్రత్యేక పూజలు చేస్తున్నారు. భక్తిభావం ఉట్టిపడేలా శైవక్షేత్రాలు దర్శనమిస్తూ చూడ ముచ్చటగా కనువిందు చేస్తున్నాయి.
తెల్లవారు జామునుంచే పూజలు... పంచామృతాలతో అభిషేకాలు
సాయంత్రం 7:30 గంటలకు పార్వతీ పరమేశ్వరుల కల్యాణ మహోత్సవం జరగనున్నట్లు ఆలయ కమిటీ ఛైర్మన్ అనంత రెడ్డి తెలిపారు. స్వామి వారి కల్యాణానికి పట్టువస్త్రాలు, ముత్యాల తలంబ్రాలను ఎమ్మెల్యే కంచర్ల భూపాల్ రెడ్డి దంపతులు సమర్పించనున్నట్లు వెల్లడించారు.
ఇదీ చూడండి:వైభవంగా శివరాత్రి.. శైవాలయాల్లో భక్తుల సందడి