'సరిహద్దులో పంటలను అడ్డుకోవడం అన్యాయం'

నూతన వ్యవసాయ చట్టాలను తెరాస ప్రభుత్వం కాలరాస్తోందని నల్గొండ జిల్లా భాజపా అధ్యక్షుడు కంకణాల శ్రీధర్ రెడ్డి విమర్శించారు. ఏపీ నుంచి వస్తున్న పంటలను రాష్ట్ర సరిహద్దులోని చెక్​పోస్టుల వద్ద అడ్డుకోవడాన్ని వ్యతిరేకిస్తూ ఆందోళన నిర్వహించారు. నాగార్జునసాగర్​ వంతెనపై బైఠాయించి నిరసన వ్యక్తం చేశారు.

ఏపీ నుంచి వచ్చే పంటలను అడ్డుకోవడాన్ని నిరసిస్తూ నల్గొండ జిల్లా నాగార్జునసాగర్ వంతెనపై భాజపా నాయకులు ఆందోళన నిర్వహించారు. జిల్లా అధ్యక్షుడు కంకణాల శ్రీధర్ రెడ్డి ఆధ్వర్యంలో రహదారిపై బైఠాయించి నిరసన వ్యక్తం చేశారు.

నూతన వ్యవసాయ చట్టాలకు వ్యతిరేకంగా ప్రభుత్వం వ్యవహరిస్తోందని మండిపడ్డారు. ఏపీ రైతులు తెలంగాణలో అధిక ధరలకు అమ్ముకోవడం కోసం తీసుకొస్తున్న పంటలను సరిహద్దులో నిలిపేయడం అన్యాయమని శ్రీధర్ రెడ్డి విమర్శించారు. సీఎం తీరుతో రైతులు తీవ్ర ఇబ్బందులు పడుతున్నారని అన్నారు.

ఇదీ చూడండి:సురవరం అంటే గుర్తొచ్చేది గోల్కొండ పత్రిక : మంత్రి కేటీఆర్