నల్గొండలో భారీ వర్షం.. జలదిగ్బంధంలో కాలనీలు
ఎన్నడూ లేనంత స్థాయిలో... నల్గొండ జిల్లా కేంద్రాన్ని వర్షం వణికించింది. మంగళవారం సాయంత్రం నుంచి రాత్రి వరకు కురిసిన వానకు... వీధులన్నీ జల సంద్రంగా మారాయి. పలుచోట్ల చెట్లు విరిగి తీగలపై పడినందున... విద్యుత్తు సరఫరాకు తీవ్ర అంతరాయం ఏర్పడింది. వీటీ కాలనీ, ఇందిరమ్మ కాలనీ, రాఘవేంద్ర కాలనీ, లెప్రసీ కాలనీ... ముంపు బారిన పడ్డాయి.
లెప్రసీ కాలనీలోని ఇళ్లల్లోకి నీరు చేరడంతో... స్థానికులు ఉదయం నుంచి అవస్థలు పడ్డారు. ప్రకాశం బజార్లోని ఇళ్లల్లోకి నీరు చేరింది. కాలనీల్లో పరిస్థితిని ఆర్డీవో జగదీశ్వర్ రెడ్డి పరిశీలించారు. బాధితులకు... సమీపంలోని ప్రార్థన మందిరంలో ఆశ్రయం కల్పించారు.