భారీగా గుట్కా స్వాధీనం.. నిందితుడు అరెస్ట్

హుజూర్ నగర్​లో.. అక్రమంగా ప్రభుత్వం నిషేధించిన గుట్కా , పొగాకును అమ్ముతున్న వ్యక్తిని పోలీసులు అరెస్ట్ చేశారు. కేసు నమోదు చేసుకుని దర్యాప్తు చేపట్టారు.

సూర్యాపేట జిల్లా హుజూర్ నగర్​లో .. ప్రభుత్వం నిషేధించిన గుట్కా, పొగాకును అమ్ముతున్న వ్యక్తిని పోలీసులు అరెస్ట్ చేశారు. పట్టణంలోని అంబేద్కర్ కాలనీకి చెందిన మహమ్మద్ కలీం మజీద్ కాంప్లెక్స్​లో పాన్ షాప్ నిర్వహిస్తున్నాడు.

సోదాల్లో..

కలీం పాన్ షాప్​లో .. ప్రభుత్వం నిషేధించిన గుట్కా, పొగాకు ప్యాకెట్లు విక్రయిస్తున్నారని పోలీసులకు సమాచారం అందింది. సోదాలు నిర్వహించిన పోలీసులకు రూ. 3 లక్షల 50 వేల విలువైన గుట్కా, పొగాకు ప్యాకెట్లు దొరికాయి. కేసు నమోదు చేసుకున్న హుజూర్ నగర్​ పోలీసులు దర్యాప్తు ప్రారంభించారు.

ఇదీ చదవండి:బాహాబాహీ: ఎమ్మెల్యే, ఎమ్మెల్సీ వర్గాల ఘర్షణ