ఆనాడు చంద్రబాబు నాయుడు కేసీఆర్కు మంత్రి పదవి ఇచ్చి ఉంటే తెరాస ఏర్పాటయ్యేదా? గులాబీ జెండా ఎగురవేసే వారా? అని... పీసీసీ మాజీ అధ్యక్షుడు పొన్నాల లక్ష్మయ్య ప్రశ్నించారు. సోనియా గాంధీ తెలంగాణ ప్రత్యేక రాష్ట్రం ఇవ్వకుంటే ఆయన ముఖ్యమంత్రి అయ్యేవారా? అని నిలదీశారు. నాగర్జునసాగర్ ఉప ఎన్నికల ప్రచారంలో పాల్గొని కేసీఆర్ చేసిన ప్రసంగంపై పొన్నాల స్పందించారు.
పొత్తు ఎందుకు...
కాంగ్రెస్ అన్యాయం చేసిందని ఆరోపిస్తున్న కేసీఆర్ నాడు హస్తం పార్టీతో పొత్తు ఎందుకు పెట్టుకున్నారని ప్రశ్నించారు. 2002 కంటే ముందు 50 రూపాయల పెన్షన్ ఇచ్చినట్లు చెబుతున్న ముఖ్యమంత్రి... అప్పుడేందుకు నోరు మెదపలేదని విమర్శించారు. కేసీఆర్ తన 30 ఏళ్ల రాజకీయ జీవితంలో ఎప్పుడైనా తెలంగాణ గురించి కానీ, ఇక్కడి సమస్యల గురించి కానీ మాట్లాడారా అని నిలదీశారు.