రేపు నల్గొండ కలెక్టర్ కార్యాలయం ముందు నిరసన: ఉత్తమ్​

రాష్ట్ర ప్రభుత్వం వరి ధాన్యాన్ని కొనుగోలు చేయకపోవడం వల్ల రైతులు తీవ్ర ఇబ్బందులు పడుతున్నారని ఆరోపించారు. రైతులకు మద్దతుగా రేపు నల్గొండ కలెక్టర్ కార్యాలయం ముందు నిరసన దీక్ష చేయనున్నట్లు ఉత్తమ్​కుమార్​రెడ్డి తెలిపారు.

కేంద్ర, రాష్ట్ర ప్రభుత్వాలు రైతు వ్యతిరేక విధానాలకు పాల్పడుతున్నాయని టీపీసీసీ అధ్యక్ష డు ఉత్తమ్ కుమార్ రెడ్డి విమర్శించారు. యాదాద్రి జిల్లా చౌటుప్పల్ మండల కేంద్రంలో తెలంగాణ కాంగ్రెస్ పార్టీ ఇంఛార్జి మాణిక్కం ఠాకూర్​తో కలిసి సమావేశమయ్యారు. రాష్ట్ర ప్రభుత్వం వరి ధాన్యాన్ని కొనుగోలు చేయకపోవడం వల్ల రైతులు తీవ్ర ఇబ్బందులు పడుతున్నారని ఆరోపించారు.

రైతులకు మద్దతుగా రేపు నల్గొండ కలెక్టర్ కార్యాలయం ముందు నిరసన దీక్ష చేయనున్నట్లు ఉత్తమ్​కుమార్​రెడ్డి తెలిపారు. రైతుకు వ్యతిరేకంగా మోదీ సర్కారు తీసుకొచ్చిన నూతన రైతు చట్టానికి వ్యతిరేకంగా రెండు కోట్ల రైతుల సంతకాలతో రాష్ట్ర ప్రభుత్వానికి నివేదిక ఇస్తామని వివరించారు.

ఇదీ చూడండి: దుబ్బాక గెలుపుపై పార్టీల ధీమా... మెజార్టీ లెక్కల్లో నేతలు