కరోనాపై యముడు, చిత్రగుప్తుడి వేషంలో అవగాహన

కరోనా వ్యాప్తి నేపథ్యంలో ప్రజలకు అధికారులు, పోలీసులు అవగాహన కల్పిస్తున్నారు. నల్గొండలో యముడు, చిత్రగుప్తుడి వేషధారణలో అవగాహన కల్పించారు.

నల్గొండ జిల్లా రూరల్​ పోలీసులు కరోనా వైరస్​పై వినూత్న రీతిలో అవగాహన కల్పిస్తున్నారు. రోడ్లపైకి అనవసరంగా వస్తున్న వారికి యముడు, చిత్రగుప్తుడు వేషాధారణలో నిబంధనలు గుర్తుచేస్తున్నారు.

జిల్లా డీఎస్పీ వెంకటేశ్వర్​ రెడ్డి ఆధ్వర్యంలో పోలీసులు వాహన తనిఖీలు చేపట్టారు. అత్యవసర పరిస్థితిలో మాత్రమే బయటకు రావాలని, అనవసరంగా రోడ్లపైకి వస్తే కేసులు నమోదు చేస్తామని హెచ్చరించారు. ప్రభుత్వమిచ్చిన సడలింపులకు ప్రజలందరూ సహకరించాలని కోరారు.

ఇవీ చూడండి: ఆ జిల్లాల్లో సడలింపులు ఇవ్వొద్దు: వైద్యఆరోగ్య శాఖ