బోల్తా పడిన స్కూల్​ ఆటో.. విద్యార్థులకు గాయాలు

పాఠశాల ఆటో బోల్తా పడి 10 మంది విద్యార్థులు గాయపడిన ఘటన నల్గొండ జిల్లా తిరుమలగిరి మండలం ఎర్రచెర్వుతండాలో జరిగింది. గాయపడ్డవారిలో ఒకరి పరిస్థితి విషమంగా ఉండడం వల్ల మెరుగైన వైద్యం కోసం హైదరాబాద్​కు​ తరలించారు.

నల్గొండ జిల్లా నాగార్జునసాగర్ నుంచి పాఠశాల ఆటో ​తిరుమలగిరి మండలం ఎర్రచెర్వు తండాకు వస్తుంది. తండా సమీపంలో ఆటో అదుపుతప్పి బోల్తా కొట్టింది. ప్రమాదంలో 10 విద్యార్థులకు గాయాలయ్యాయి. వారిని నాగార్జునసాగర్​కు తీసుకెళ్లారు. 8వ తరగతి విద్యార్థి గణేశ్​ పరిస్థితి విషమంగా ఉండడం వల్ల హైదరాబాద్​కు​ తరలించారు.

ఇదీ చూడండి:కిస్​కా జాగీర్ నహీ.. కిస్​ కా బాప్​కా బీ నహీ: భట్టి